ಉಗಾದಿ ೨೦೧೭

ಕಳೆದಿಹುದು ೨೧ ರ ಶತಕದ ೧೬ ವರುಷ
ಬರುತಿಹುದು ೧೭,ಸಡಗರವ ಚೆಲ್ಲುತ
ಶೀತ ಮಾರುತವು ಬೀಸಿಹುದು ಪೂರ್ವದಲಿ
ಸೂಚಿಸುತ ದೂರದಿ ಬರಲಿರುವ ವಿಪತ್ತನು


ನುಡಿದಿಹರು ಭವಿಷ್ಯ ಸೂಚಿಸುತ ಪ್ರಳಯ
ಯುಗಾಂತದಲಿ ವಿಶ್ವದ ಅಂತ್ಯವ
ನಡೆಸಿಹರು ವಿಜ್ಞಾನಿಗಳು ಶೋಧವ
ರವಿಯಂಚಿನಿಂದ ಸ್ಫೋಟಿಸುವ ಅಗ್ನಿ ಜ್ವಾಲೆಯ


ಕರಗುತಿದೆ ಹಿಮಾಲಯದ ತಣ್ಣನೆಯ ಮಂಜು
ಸುಡುತಿದೆ ಸಾಗರದಡಿಯ ಲವಣದ ನೀರು
ಜರುಗುತಿದೆ ಭೂಗೋಳ ಇಂಚಿಂಚಿನಲಿ
ಉಕ್ಕುತಿದೆ ಸಾಗರ ಕಬಳಿಸುತ ಭೂಮಿಯ


ಇಂದು ನಮ್ಮದು, ನಾಳೆ ಜಗದೊಡೆಯನದು
ಸ್ವಾಗತಿಸೋಣ ದಶಕ ಹದಿನೇಳ ಸಂತಸದಿ
ಬೇಡ ಮಧ್ಯಪಾನ ,ಲಲನೆಯರ ಬಿನ್ನಾಣ
ನಡುರಾತ್ರಿಯಲಿ ಜರಗುವ ಮೋಜಿನ ನಿತ್ರಾಣ


ಕೂಡಿ ಪ್ರಾರ್ಥಿಸೋಣ ಎಲ್ಲ ದೇವ,ದೇವರ,ಅಲ್ಲಾನ
ಪಾರುಮಾಡೆಂದು ಬರಲಿರುವ ವಿಪತ್ತಿನಿಂದ
ತುಂಬಿರಲಿ ಸಂತಸ ಮನೆಮಂದಿ ಮಕ್ಕಳಲಿ
ನೂರಾರು ಶತಕಗಳಲಿ ಅನವರತ ನಿರಂತರ

ರಚನೆ-ಕೆ.ವಿ.ಶ್ರೀನಿವಾಸ ಪ್ರಸಾದ್