ನನ್ನ ಮಗನಿಗೆ ಶುಭಾಶಯ

ಕಲಾ ಸುತನೆ ನೀನಾಗು ತಾಯಿಯಂತೆ

ಸಕಲ ಗುಣಗಳ ಪಡೆದು ನಕ್ಷತ್ರವಾಗು

ತಾಳ್ಮೆ ಸೌಜನ್ಯ ಆದರಿಸುವ ಗುಣ ಹೊಂದಿ

ಬೆಳಕಾಗು ನಿನ್ನ ಸತಿ ಸುತ ಸುತೆಯರಿಗೆ

ಪ್ರಸಾದ ಸುತನೆ ನೀನಾಗು ತಂದೆಯಂತೆ

ಸಕಲ ವಿದ್ಯೆಗಳ ಕಲಿತು ಗುರುವಾಗು

ದಾರಿ ತೋರಿಸುತ ಅರಸಿ ಬರುವವರಿಗೆ

ಬರಹ ಬಲ್ಲವನಾಗು ತಿಳಿಸುತ ಅರಿತದ್ದನು

ನೀನಾಗು ನೀನು ಬೆರೆಸುತ ಗುಣಗಳೆಲ್ಲ

ತೋರಿಸು ಪ್ರೀತಿಯ ಕೈ ಹಿಡಿದ ಮಡದಿಗೆ

ಆದರಿಸು ಎಂದೆಂದಿಗೂ ನಿನ್ನ ಬೆಳೆಸಿದವರ

ಗೌರವಿಸು ಸತತ ನಿನ್ನ ಸ್ನೇಹಿತರ ಬಂಧುಗಳ