ಗಣಪ ಸ್ತುತಿ

ಗಣಪ ಸ್ತುತಿ

ಉದಯಿಸಿದೆ ನಾರಾಯಣಿಯ   ಸ್ವೇದದಿ

ಮಾತೆಯ ಆಜ್ಞೆಯಂತೆ ತಡೆದೆ ಪ್ರವೇಶವ

ರುದ್ರನ ಮುನಿಸಿಗೆ ಆಯಿತು ಶಿರದ ಛೇದನ

ವಿಘ್ನ ವಿನಾಶಕ ವಿನಾಯಕನೇ ನಮನ

ಪಡೆದೆ ಗಜಶಿರವ ಶಿವನಾಣತಿಯಂತೆ

ನಡೆಯೇ ಸ್ಪರ್ಧೆ ಗಣ ನಾಯಕನಾಗಲು

ಸ್ಕಂದನ ಗೆದ್ದೆ ತಾಯಿ ತಂದೆಯ ಪ್ರಣಮಿಸಿ

ಗಣ ನಾಯಕನೆನಿಸಿದ ಗಣಪನೇ ನಮನ

ದೈತ್ಯ ಮೂಷಕಾಸುರ ದರ್ಪದಿ ಮೆರೆಯೆ

ದಾನವರ ರಕ್ಷಿಸಲು ಕೂಡಿಸಿದೆ ದೇವಗಣ

ಅಡಗಿಸಿದೆ ಮೂಷಕನ ದರ್ಪವ ,ಕರುಣಿಸಿ

ಪ್ರಾಣವ ಆಗಿಸಿದೆ ವಾಹನ, ನಮನ ಗೌರಿ ಸುತ

ಮೂಕಾಸುರ ಸಮರದಲಿ ಎಸೆದೆ ಏಕದಂತ

ಗೌರಿ ಗಂಗೆಯರ ಸುತನಾಗಿ ದ್ವೈಮಾತುರನಾದೆ  

ತ್ರಿಮೂರ್ತಿಗಳ ವರದಲಿ  ವಿಘ್ನ ನಿವಾರಕನಾದೆ

ಅಗ್ರಪೂಜೆಗೆ ಅರ್ಹನಾದೆ ವಿದ್ಯೆಗೆ ಒಡೆಯನಾದೆ 

ಶಪಿಸಿದೆ ಚಂದ್ರನ ಚೌತಿಯಂದು ನೋಡುವವರು 

ಚೋರರೆನಿಸಿ   ಕೃಷ್ಣ ಕಥೆಯಿಂದ ವಿಮುಕ್ತಿಯೆಂದು 

ಕರುಣಿಸು ನಿನ್ನ ಭಕ್ತರಿಗೆ ಸಿದ್ಧಿ ಬುದ್ಧಿಗಳ 

ಅಖಂಡ ಸಂಪದವ ಆಯುರಾರೋಗ್ಯ, ಸುಖವ      

 ರಚನೆ: ಕೆ.ವಿ.ಶ್ರೀನಿವಾಸ ಪ್ರಸಾದ್
ನಂ-೧ ಏ ಡೀ ಎನ್ಕ್ಲೇವ್ ,ಮಾರುತಿನಗರ
ಸಹಕಾರನಗರ ಅಂಚೆ, ಬೆಂಗಳೂರು-೯೨
ಫೋನ್ ;9844276216