ನಿನಗಿದೋ ನನ್ನ ಆತ್ಮೀಯ ಸಂತಾಪದ ಶ್ರದ್ದಾಂಜಲಿ

 

 

 

 

 

 

 

 

 

ದುಃಖಿತನಾಗಿರುವೆ ನಿನ್ನ ಅಕಾಲ ಅಗಲಿಕೆಯಿಂದ

ಅಂಬಾ ಅತ್ತೆ, ನನ್ನ ತಂದೆಯ ಪ್ರೀತಿಯ ತಂಗಿ

ಹಾಗೂ ನನ್ನೊಲುಮೆಯ ಮಡದಿಯ ತಾಯಿಯೂ

ನಿನಗಿದೋ ನನ್ನ ಆತ್ಮೀಯ ಸಂತಾಪದ ಶ್ರದ್ದಾಂಜಲಿ

ಮನ್ಮಥನಾಮ ಸಂವತ್ಸರದ ದಕ್ಷಿಣಾಯನದ

ಗ್ರೀಷ್ಮ ಋತುವಿನ ಶುಕ್ಲ ಪಕ್ಷದ ದಶಮಿಯ

ಶುಭ ಭಾನುವಾರ ಬೆಳಗಿನ ಜಾವದ ೩ ಘಂಟೆಗೆ

ಅಸ್ತಂಗತಳಾದೆ ಘಾಢ  ನಿದ್ರೆಯಲಿ ತಿಳಿಸದೆ

ನೀನಾಗಿದ್ದೆ ನಮಗೆ, ನನ್ನ ತಂದೆಯ ಮಕ್ಕಳಿಗೆ

ಅತ್ತೆಯಷ್ಟೇ ಅಲ್ಲದೆ ಪ್ರೀತಿಯ ತಾಯಿಯಾಗಿ

ಆರು ವರುಷ ತಾಯಿಯ ಮರಣಾನಂತರ

ನಡೆಸಿದೆ ಮೂರು ಹೆಣ್ಣು ಮಕ್ಕಳ ಮದುವೆಯ

ಮರೆವೆವು ನಿನ್ನ ಆ ಕ್ಲಿಷ್ಟ ದಿನಗಳ ಸಹಾಯವ

ತಂದೆಗೆ ಬೆಂಬಲವಾಗಿ ನಿಂತ ಆ ಕಷ್ಟದ ದಿನಗಳ

ನಿನ್ನೆಯವರೆವಿಗೂ ನೀನಾಗಿದ್ದೆ ಮಾರ್ಗದರ್ಶಿ

ಕಂಬನಿಮಿಡಿವೆವು ನಿನ್ನ ಅಕಾಲ ಅಗಲಿಕೆಯಿಂದ

ನೀಡಲಿ ಶಕ್ತಿಯನು  ಭಗವಂತನು ಎಲ್ಲರಿಗೂ

ನಿನ್ನ ಅಪಾರ ಬಂಧು ವರ್ಗಕ್ಕೂ ಸುತಸುತೆಯರಿಗೂ
ಅಗಲಿಕೆಯ ವಿರಹವನು ಹಾಗೂ ಬರಲಿರುವ 
ದಿನಗಳ ಸಮಸ್ಯೆಯನು ದುಃಖ ಭರಿಸುವ ಶಕ್ತಿಯನು

ರಚನೆ; ಕೆ.ವಿ ಶ್ರೀನಿವಾಸ ಪ್ರಸಾದ್