ಸಂಕ್ರಾಂತಿ ೨೦ ೨೧

ಉದಯವಾಗಲಿ ಉತ್ತರಾಯಣ ಪುಣ್ಯಕಾಲ 

ಅಸ್ತಮಿಸಲಿ ಕರೋನ ಸೃಷ್ಟಿಸಿದ ಕಷ್ಟಕಾಲ 

ಹರ್ಷವೆಲ್ಲೆಡೆ ನಲಿದಾಡಲಿ ಮರಳಿ ಅನುಕಾಲ 

ಸರಿಯಲಿ ಕವಿದಿದ್ದ ಕಾರ್ಮೋಡ ಚಿರಕಾಲ 

ತೆರೆಯಲಿ ದೇವಾಲಯಗಳ ಮುಖ್ಯ ದ್ವಾರ 

ಮೊಳಗಲಿ ಘಂಟೆ ಡಮರುಘಗಳ ದುಂದುಭಿ 

ನಡೆಯಲಿ ಉತ್ಸವಗಳ ಸಂಭ್ರಮ ಅನುಕಾಲ 

ಮೂಡಲಿ ಸಂತಸ ಜನತೆಯಲ್ಲಿ ಚಿರಕಾಲ 

ಸಂಕ್ರಾಂತಿ ತರಲಿ ಹರ್ಷೋಲ್ಲಾಸ ಎಲ್ಲರಲಿ 

ಸಂಭ್ರಮಿಸೋಣ ಎಳ್ಳು ಬೆಲ್ಲವ ಮನೆಗೆ ಹಂಚಿ 

ನಲಿದಾಡಲಿ ಮಕ್ಕಳು  ನೂತನ ವಸ್ತ್ರವ ಧರಿಸಿ 

ಚಿಗುರಲಿ ಮಾವು ಬೇವು ಯುಗಾದಿಯ ಬಯಸಿ 

ಬಯಸುವೆನು ಪ್ರಾರ್ಥಿಸಿ ಆರೋಗ್ಯ ನೀಡೆಂದು 

ಸಿರಿಪತಿಯ ಚರಣಗಳಲ್ಲಿ ನಮಿಸಿ ವಂದಿಸುತ 

ಬಡತನವ ನೀಗಿಸಿ ಸಿರಿಯ ಕರುಣಿಸಿ ಎಲ್ಲರಿಗೆ 

ಶಾಂತಿ ನೆಮ್ಮದಿಯ ನೀಡೆಂದು ರಮಾಪತಿಯಲಿ 

 ರಚನೆ : ಶ್ರೀನಿವಾಸ ಪ್ರಸಾದ್