ಮೊಮ್ಮಗನೇ ನೀನಾಗು ಯುಗಪುರುಷ



ನೀ ಜನಿಸಿದೆ ನ್ರಿಸಿಂಹ ಜಯಂತಿಯಂದು
ನನಗಾಯಿತು ಅಮಿತಾನಂದ ಅಳು ಕೇಳಿ
ಮಗನೇ  ಜನಿಸಿದನೋ ಎಂದಹಾಗಾಯಿತು
ನಿನ್ನ ಮುಗ್ಧ ನಗುಮುಖ  ಮೊದಲು ಕಂಡು

ನೀನಾದೆ ನನ್ನ  ವಂಶದ   ಪ್ರೇಮದ ಕುಡಿ
ನಿನ್ನ ಆಟ ನಲಿದಾಟಗಳು ಕರೆದವು ಮತ್ತೆ ಮತ್ತೆ
ಓಡೋಡಿ ಬಂದೆ ಭಾನುವಾರಗಳು ಕಾಣಲು
ದೂರಗಳ ಲೆಕ್ಕಿಸದೆ  ಶ್ರಮವ ಯೋಚಿಸದೆ

ನೀ ಎಂದು ಬರುವೆಯೆಂದು ಹಾತೊರೆದೆ
ಕಳೆದೆವು ಆರು ತಿಂಗಳು ತಿಳಿಯದೆಯೇ ವೇಗದಿ
ನೀ ಬಂದ  ದಿನ  ಕುಣಿದಾಡಿದೆ ಅತಿ ಸಂತಸದಿ 
ನಿನ್ನ ಕುಡಿನೋಟ   ಕಲಕಿತು ಎನ್ನ ಮನವ

ನಿನ್ನ ತುಂಟಾಟ ನಗೆ ನೋಟಗಳು ನೆನಪಿಸಿತು
ನಾ ಓದಿದ ಭಾರತದ ಯುಗ ಪುರುಷ ಶ್ರೀ ಕೃಷ್ಣನನ್ನು
ಕಂಡೆ ದೇವಕಿ ಸುತ ವಾಸುದೇವನ ಚೇಷ್ಟೆಗಳನು
ನಿನ್ನ ಆ ನಗುವಿನಲಿ  ನೋಟದಲಿ ಆಟಗಳಲಿ

ನಿನಗಿರಲಿ ಶ್ರೀನಿವಾಸನ ಕರುಣೆ ಕಟಾಕ್ಷಗಳು
ನೀನಾಗು ಕಲಿಯುಗದ ಯುಗಪುರುಷ
ಪ್ರದೀಪಸಲಿ ನಿನ್ನ ರಂಜನೀಯ ಲೀಲೆಗಳು
ನೀ ಬಾಳು ನೂರು ವಸಂತಗಳು ಸುಖವಾಗಿ


ರಚನೆ: ಶ್ರೀನಿವಾಸ ಪ್ರಸಾದ್ ಕೆ.ವಿ
ನಿನ್ನ ಮೆಚ್ಚಿನ ತಾತ